Plisi është salla jonë më e madhe, me një sipërfaqe të bollshme prej gati 2000 m2 nëse bashkohet me sallën fqinje, Xhubleta. Kjo sallë madhështore është frymëzuar nga qeleshja që mbanin ilirët dhe më pas shqiptarët. Tavanet janë të ndriçuar me llambadarë magjepsës, dhe parmakët e ballkonit janë të veshur me motive të pëlhurave tradicionale. Një ashensor xhami zbret brenda sallës nga suita e nusërisë, duke siguruar një hyrje private dhe elegante për nusen dhe dhëndrin në ditën e tyre të veçantë. Plisi është ideal për evente të mëdha si dasma apo mbrëmje gala.