Që prej vitit 2006, Rapsodia ka shërbyer si një urë lidhëse mes traditës shqiptare dhe finesës gourmet, duke u kthyer në një destinacion të pashmangshëm për të apasionuarit pas kulinarisë. Nën udhëheqjen e Chef Alfred Markut, i cili formësoi vizionin e tij mes përvojës në Italinë sqimatare dhe dashurisë për prodhimet e tokës sonë, Rapsodia solli një frymë të re në gastronominë kombëtare. Ky rrugëtim, i nisur me pasion në Lezhë, tashmë gjen një shtëpi të re në mjediset luksoze të Arka Art Hotel, te Kodra e Diellit 2.

Në këtë kapitull të ri, arti kulinar mbetet i pandryshuar. Krijimtaria e Chef Fredit ka shënuar një vulë të re në gastronominë tonë, duke i dhënë zë prodhimit lokal dhe duke i shndërruar ato në art të mirëfilltë. Ky vizion, i cili dikur i bënte të apasionuarit pas shijes të udhëtonin distanca të largëta, tashmë ofrohet në një mjedis ku luksi dhe arti bashkëjetojnë në harmoni të plotë.

Rapsodia flet shqip edhe në një tryezë elitare gatimi gourmet – me 4 menu të reja çdo vit.